Video
បើយោងទៅតាមពាក្យសម្តីរបស់បងប្រុសម្នាក់ដែលបានស្ថិតនៅក្នុងហេតុការណ៍នោះផ្ទាល់បានប្រាប់ឲ្យដឹងថា បុរសដែលបានធ្លាក់ចូលក្នុងគំលាតថ្មរនោះមានអាយុប្រហែលជា២០ឆ្នាំជាងហើយគាត់មានគ្រួសារនិងប្រពន្ធកូនតែដោយសារតែជីវភាពនៅក្នុងគ្រួសារតមានភាពខ្វះខាតនិងក្រីក្រខ្លាំងទើបសម្រេចចិត្តឡើងទៅលើភ្នំដើម្បីយកអាចម៍ប្រជៀវលក់ ហើយមូលហេតុដែធ្វើឲ្យធ្លាក់នោះគឺដោយសារតែគាត់បានធ្លាក់ពិលចូលក្នុងគំលាតថ្មរនោះទើបធ្វើឲ្យគាត់ខំចូលទៅក្នុងគំលាតនោះដើម្បីយកពិលតែជាអកុសលទើបធ្វើឲ្យគាត់ជាប់នៅក្នុងនោះតែម្តង បន្ទាប់ពីជាប់នៅក្នុងនោះបានគាត់ដាច់បាយដាច់ទឹករយៈពេល៤ថ្ងៃហើយ។
បើតាមប្រភពពីម្តាយជនរងគ្រោះបានឲ្យដឹងថាមុនថ្ងៃកើតហេតុនៅថ្ងៃទី ៤ សីហា ឆ្នាំ ២០១៩ ម៉ោង៥ព្រឹកជនរងគ្រោះបានចេញបាត់ពីផ្ទះគ្មានដំណឹង រយៈពេល ៣ថ្ងៃក្រោយ ទើបមានការផ្អើលឆោឡោដើររករហូតមកដល់ថ្ងៃទី ៦ សីហា វេលាម៉ោង១០យប់ទើបរកឃើញជាប់ក្នុងរូងភ្នំ។
ជនរងគ្រោះនៅនិយាយបាននៅឡើយហើយបានប្រាប់ថាខ្លួនបានកើបអាចម៌ត្រជៀវ ភ្លាមនោះក៏បានជ្រុះកែវពិល ហើយខ្លួនក៏បានដើររក ក៏រអិលធ្លាក់ជាប់ក្នុងគំលាតថ្មថយក៏អត់រួច ស្ថិតនៅជួរភ្នំចក្រី ភូមិក្បាលហុង ឃុំបារាំងធ្លាក់ ស្រុកភ្នំព្រឹក ខេត្តបាត់ដំបង។ ឥឡូវនេះកំលាំងសម្ថកិច្ចកំពុងចូលជួយសង្គ្រោះមានការចូលរួមពីសំណាក់គ្រូពេទ្យ និងប្រជាពលរដ្ឋយ៉ាងច្រើន។ បច្ចុប្បន្នសមត្ថកិច្ច និង អាជ្ញាធរមូលដ្ឋានពិសេសស្ថាប័នពាក់ព័ន្ធ រួមជាមួយនឹងប្រជាពលរដ្ឋកំពុងរកដំណោះស្រាយ ដើម្បីយកជនរងគ្រោះចេញពីល្អាងថ្មដ៏តូចចង្អៀតនេះ ព្រោះនៅពេលនេះជនរងគ្រោះមានសភាពទន់ខ្សោយខ្លាំងណាស់ហើយ ចំណែកក្រុមគ្រួសារក៏បានធ្វើពិធីសាសនានៅកន្លែងកើតហេតុផងដែរ ដោយបន់ស្រន់ សែនព្រេន ក្រែងមានខុសមាត់ខុសក ដល់អ្នកតាម្ចាស់ស្រុក ដែលថែរក្សានៅកន្លែងនោះ៕
0 Comments