/5d478eba36da3_1564970640_large.jpg)
ហេតុការណ៍ដ៏គួរឲ្យភ្ញាក់ផ្អើលនេះ កើតឡើងនៅក្នុងសួនទឹក Yulong Shuiyun នៃទីក្រុង Longjing ប្រទេសចិនជិតព្រំដែនកូរ៉េខាងជើង។ មនុស្សសរុបចំនួន ៤៤នាក់ បានរងរបួសដោយសារកំហុសបច្ចេកទេសនៃម៉ាស៊ីនបង្កើតទឹករលក បណ្ដាលឲ្យមានរលកយក្សបោកបក់មនុស្សគៀងគរលើគ្នា។ វីដេអូនៃហេតុការណ៍នេះ ត្រូវបានបង្ហោះទៅក្នុងបណ្ដាញសង្គមចិន Weibo ហើយទទួលការចាប់អារម្មណ៍ខ្លាំងពីអ្នកប្រើប្រាស់ ខណៈអ្នកខ្លះទៀតបង្ហាញការព្រួយបារម្ភពីការទៅកម្សាន្ដនៅសួនទឹក។ យ៉ាងណាមិញ យោងតាមសេចក្ដីថ្លែងការណ៍របស់សួនទឹក បានធ្វើការច្រានចោលពាក្យចរចាមអារាមថាហេតុការណ៍ខាងលើបណ្ដាលមកពីបុរសស្រវឹងស្រាទៅបញ្ជាម៉ាស៊ីន។
/5d478eb8f38eb_1564970640_large.jpg)
ក្រោយកើតហេតុ ភ្នាក់ងារសង្គ្រោះក្នុងតំបន់មួយចំនួនរួមទាំងនាយកដ្ឋានសង្គ្រោះបន្ទាន់របស់ទីក្រុង ក៏ដូចជាភ្នាក់ងារទេសចរ កំពុងធ្វើការស៊ើបអង្កេតបន្ដពាក់ព័ន្ធមូលហេតុពិតប្រាកដដែលបណ្ដាលឲ្យមានហេតុការណ៍គ្រោះថ្នាក់នេះកើតឡើង៕
By SOKEA, Sourse: CNN
0 Comments