ម៉ូតូកង់បីឥណ្ឌាបើកដូចហោះទៅបុករថយន្តហាយឡែនឌ័រ

នារីម្នាក់​ បានរងរបួសធ្ងន់ត្រូវបានបញ្ជូនទៅមន្ទីរពេទ្យភ្លាមៗ​ ខណៈដែលម៉ូតូកងបី​ ១គ្រឿង​ បេីកលឿន​ ជ្រុលទៅបុករថយន្តហាយឡែនឌ័រ​ ចំហៀងខាងស្តាំ​ យ៉ាងពេញទំហឹង​ ត្រង់ចំណុចផ្លូវបែកជាបួន​ ដែលស្ថិតនៅតាមបណ្ដោយផ្លូវលេខ១០៥​ កែងផ្លូវលេខ៣១០ ក្នុងសង្កាត់បឹងកេងកងទី៣​ ខណ្ឌបឹងកេងកង​ រាជធានីភ្នំពេញ​នាវេលាម៉ោង​២៣នឹង៥០នាទីយប់​ ថ្ងៃទី០៦​ ខែសីហា​ ឆ្នាំ​២០១៩

យោងតាមប្រភពព័ត៍មានពីកន្លែងកើតហេតុបានអោយដឹងថា​ ៖ មុនពេលកើតហេតុ​ គេបានឃើញ​ ម៉ូតូឡាំម៉ាតាកង់បីឥណ្ឌា ១ គ្រឿង ពណ៍ស ពាក់ស្លាកលេខ ភ្នំពេញ1HU-4818 ធ្វេីដំណេីរតាមបណ្តោយផ្លូវលេខ១០៥​ ក្នុងទិសដៅពីត្បូងទៅជើង​ ក្នុងល្បឿនយ៉ាងលឿន​ ខណៈមកដល់ចំណុចកើតហេតុ​ មិនបន្ថយល្បឿន​ ក៏ជ្រុលទៅបុកចំហៀងខាងស្តាំរថយន្តម៉ាក​ ហាយឡែនឌ័រ​ ១គ្រឿង ពណ៍ស ពាក់ស្លាកលេខភំ្នពេញ2AP-0614 បើកបរដោយបុរសម្នាក់​ នឹងរួមដំណេីរដោយនារីក្នុងរថយន្តម្នាក់ទៀត​ ក្នុងទិសដៅពីលិចទៅកើត​ យ៉ាងពេញទំហឹង​ បណ្ដាលឲ្យខូចខាតទ្វារខាងស្ដាំយ៉ាងដំណំ​ រួមនឹងបែកកញ្ចក់​ បង្កអោយនារីដែលនៅក្នុងរថយន្ត​ រងរបួសធ្ងន់ធ្ងរ​ ត្រូវបានរថយន្តសាមុយដឹកបញ្ជូនទៅមន្ទីរពេទ្យភ្លាមៗតែម្ដង​ ចំណែកបុរសបេីកម៉ូតូកងបី​ ក៏បានរងរបួសជេីងនឹងក្បាលផងដែរ​ ។

ក្រោយពេលកើតហេតុ​ សមត្ថកិច្ចជំនាញបានចុះមកធ្វេីការវាស់វែងយករថយន្តនឹងម៉ូតូ​កងបីខាងលេី​ ទៅរក្សាទុកជាបណ្តោះអាសន្ន​ ដេីម្បីរង់ចាំការដោះស្រាយនៅពេលក្រោយ​

By SOKEA, Source : khmerbuzz24